COMPETICIÓN OFICIAL
COMPETICIÓN I
SÁBADO, 30 OUT | 19:00
VOGAR
Andrea de la Iglesia
País: España (Galicia)
Ano: 2021
Duración: 9 min.
V.O.: galego (subtítulos en inglés)
Primitivo herdou do seu pai un dos oficios
máis ancestrais que existen en Galicia: a
pesca artesanal do polbo. Comprometido
co seu traballo, coas artes tradicionais de
pesca e preocupado pola sostibilidade e a
conservación do medio mariño, relata aos
seus fillos as súas preocupacións para que
comprendan as consecuencias que tería a
desaparición deste oficio e o papel que eles,
as novas xeracións, teñen para lograr
preservalo.
LAS MUJERES Y EL MAR
Camila Guarda Velasco
País: Chile/Estados Unidos
Ano: 2019
Duración: 14 min.
V.O.: español (subtítulos en galego)
Filmado na maxestosa inmensidade do
océano chileno, Las mujeres y el mar é unha
viaxe sensorial na que acompañamos a
dúas mulleres poderosas nunha pequena
vila mariñeira. Julieta desafía á morte
traballando no mundo da pesca,
tradicionalmente dominado polos homes.
Gloria conserva o legado dos cemiterios
simbólicos para aqueles desaparecidos no
mar.
NORTHERN TRAVELOGUES
Kira Jääskeläinen
País: Finlandia
Ano: 2019
Duración: 58 min.
V.O.: inglés, ruso (subtítulos en galego)
En 1917, o explorador finlandés Sakari Pälsi viaxou ao nordeste de Siberia levando un cinematógrafo e 13.000 pés de celuloide. A viaxe tivo como resultado unha película documental única e un caderno de viaxe. Cen anos despois, a directora Kira Jääskeläinen volve ao estreito de Bering seguindo os pasos de Pälsi para narrar a historia do pobo chukchi.
COMPETICIÓN II
SÁBADO, 30 OUT | 21:00
TO THE SURFACE
Tyler Murgo
País: Estados Unidos
Ano: 2020
Duración: 7 min.
V.O.: inglés (subtítulos en galego)
A pandemia de Covid-19 causou estragos na industria marisqueira de Rhode Island (Estados Unidos). Cando todo se desfai, é urxente captar a sabedoría e as perspectivas dos pescadores locais durante este momento histórico, para crear conciencia e tratar de atopar solucións aos desafíos actuais.
MAREAS OCULTAS
Mònica Cambra
País: España (Cataluña)
Ano: 2019
Duración: 10 min.
V.O.: español (sen diálogos)
Homenaxe ao mar e a mirada honesta dunha embarcación de pescadores que loita para combater a contaminación mariña e devolver a beleza ás augas que a rodean. O mar foi desde sempre un espazo no que moitos pescadores atoparon beleza, calma e liberdade. Agora, as xornadas dalgúns pescadores vense perturbadas por fenómenos que antes non coñecían: a contaminación mariña e as súas nefastas consecuencias.
BOA PROA, MARIÑEIROS!
Lara Capeáns e Domingo Docampo
País: España (Galicia)
Ano: 2021
Duración: 14 min.
V.O.: galego
Dylan e Omar ocupan os días de Jeni, que deixou o seu traballo na embarcación familiar cando eles naceron. Dylan, o maior, xa vai á gardería. Cando Omar medre, Jeni agarda poder reincorporarse de novo ao barco, que é a súa paixón.
NOTRE MER DE DÉCHETS
Morade Azzouz & Anca Ulea
País: Francia
Ano: 2020
Duración: 26 min.
V.O.: francés (subtítulos en galego)
O Mediterráneo é o mar máis contaminado de Europa, cunhas 200.000 toneladas de residuos plásticos entrando nas súas augas cada ano. Debido ao incremento de máscaras e luvas desbotables que acaban no mar a causa da pandemia de Covid-19, algúns individuos están tomando medidas para atopar solucións permanentes na cadea de subministración.
COMPETICIÓN III
DOMINGO, 31 OUT | 17:00
REDEIRAS
Edu Marín
País: España (Galicia)
Ano: 2021
Duración: 14 min.
V.O.: español, galego (subtítulos en inglés)
A mulleres redeiras en Galicia loitan por ser recoñecidas como verdadeiras profesionais e por alcanzar os mesmos dereitos que os homes que traballan no sector pesqueiro. As redeiras relatan os desafíos aos que teñen que enfrontarse, a importancia da profesión e a necesidade de que as próximas xeracións aprendan a arte de atar redes.
SOLO SON PECES
Ana Serna & Paula Iglesias
País: España (País Vasco/Galicia)
Ano: 2019
Duración: 17 min.
V.O.: árabe (subtítulos en galego)
Teslem, Dehba e Jadija son tres mulleres nacidas nos campamentos de refuxiados saharauís ao sur de Alxeria. Foron estudar ao norte do país e regresaron aos campamentos para crear unha piscifactoría en pleno deserto, un lugar que pode alcanzar os 50 graos no verán e onde as tormentas de area destrúen o invernadoiro que protexe aos peixes. As tres ansían volver a unha terra onde nunca estiveron, unha terra con mar.
A FISH TALE
Emmanuelle Mayer
País: Israel
Ano: 2019
Duración: 52 min.
V.O.: inglés, hebreo, nzema (subtítulos en galego)
Johnny cre no futuro de África. Vive en Israel, pero soña con volver despois de aprender as modernas técnicas de piscicultura. A súa muller, Thérèse, ve poucas esperanzas en África. Está decidida a darlle o mellor futuro posible aos seus fillos, a calquera prezo. Cando os seus visados expiran, xorden tensións entre ambos, o que leva a un inevitable enfrontamento.
COMPETICIÓN IV
DOMINGO, 31 OUT | 19:00
SINGLANDO DO ALBÁN
Tito Pérez
País: España (Galicia)
Ano: 2021
Duración: 8 min.
V.O.: galego (subtítulos en inglés)
María “A Foriñeira”, da parroquia de San Cosme de Outeiro (Outes), intenta transmitir as experiencias tan fermosas que viviu desenvolvendo o seu traballo. Foi mariscadora, e hoxe en día asegura que seguiría exercendo se a deixaran. A frase que a identifica é “amor polo mar”.
LESSONS FROM JEJU
Nicole Gormley
País: Corea do Sur/Estados Unidos
Ano: 2020
Duración: 13 min.
V.O.: coreano, ingés (subtítulos en galego)
Embarazada de sete meses, e preocupada polo efecto que a maternidade podería ter na súa carreira como mergulladora profesional, Kimi Werner viaxa á illa de Jeju, en Corea do Sur, para coñecer ás súas heroínas: as haenyeo, un grupo de mulleres pescadoras que practican apnea e están consideradas as primeiras nais traballadoras de Corea.
LA SAISON DES TOURTEAUX
Martin Benoist
País: Francia
Ano: 2020
Duración: 52 min.
V.O.: francés (subtítulos en galego)
Xunto aos cantís de Étretat, na costa de Normandía, acompañamos a Christophe, un home con discapacidade visual que pesca “tenteando” en busca de cangrexos e lagostas, nun espazo onde ninguén se aventura. Permanecendo ao seu carón, compartimos a experiencia do que sente Christophe, comezando pola beleza desta paisaxe.
COMPETICIÓN V
DOMINGO, 31 OUT | 21:00
FISHERIES ON THE BRINK
Environmental Justice Foundation
País: Reino Unido/Ghana
Ano: 2020
Duración: 6 min.
V.O.: inglés (subtítulos en galego)
A pesca artesanal en Ghana, fonte principal de alimento e subsistencia nas zonas costeiras do país, está gravemente ameazada polas prácticas industriais subvencionadas polos países desenvolvidos. Os bancos de peixes de África occidental están ao bordo do colapso, provocando un efecto devastador nas comunidades pesqueiras tradicionais que dependen destes recursos.
DOOLE DOOLE
Jean-Claude Thierry
País: Francia
Ano: 2019
Duración: 52 min.
V.O.: francés, wolof (subtítulos en galego)
O mar Mediterráneo converteuse nunha fronteira de alto risco para os mozos africanos. En Saint Louis (Senegal), problemas como o avance do mar, a sobrepesca e un proxecto de explotación petroleira están empurrando aos mozos a marchar. Doole significa “forza” en wolof. Empregarán esta forza para emigrar ou para loitar contra as dificultades?