COMPETICIÓN OFICIAL

COMPETICIÓN I

XOVES, 11 DEC | 17:00

Pie Dan Lo

Kim Yip Tong

País: Mauricio / Francia
Ano: 2024
Duración: 13 min.
V.O.: criollo mauriciano, francés, inglés (subtítulos en galego)
Estrea en Galicia

O 25 de xullo de 2020, o buque MV Wakashio encallou nun arrecife na costa leste de Mauricio. 12 días despois, comezou a derramarse petróleo, provocando o peor desastre ecolóxico rexistrado na rexión.

The Sea of Dirac

Niklas Lipski

País: Alemania
Ano: 2024
Duración: 15 min.
V.O.: inglés, alemán (subtítulos en galego).
Estrea en Galicia

Algúns pescadores aínda traballan no canal de refugallos da antiga central nuclear de Lubmin, en Alemaña. Cando os reactores estaban activos, a calor residual atraía os peixes, converténdoo nun excelente lugar de pesca, e os arrastreiros regresaban con redes cheas. Hoxe, o mar Báltico está case baleiro; aplícanse cotas estritas para tentar restaurar as poboacións de peixes e protexer este hábitat único. Para os pescadores locais que quedan, estas medidas son insuficientes para manter o modo de vida das xeracións anteriores.

La marcha del liquen

Tania Ximena

País: México / Colombia
Ano: 2024
Duración: 29 min.
V.O.: español (subtítulos en galego)
Estrea en Galicia

Que significa o reverdecemento da Antártida en zonas aparentemente afastadas como México? La marcha del liquen narra a historia do xeo glaciar antártico, o seu encontro co mar e o avance do liquen e do musgo. Mentres tanto, nas costas mexicanas, unha comunidade vese obrigada a vivir só cos recordos.

COMPETICIÓN II

XOVES, 11 DEC | 19:00

As entrañas saben o que a razón non entende

Alberto Lobelle

País: España (Galicia)
Ano: 2024
Duración: 5 min.
V.O.: galego (subtítulos en inglés)

Ao desprenderse da ansia de control e abrazar o inesperado, o proceso creativo atopa un novo pulso. Así, As entrañas saben o que a razón non entende tenta ser unha celebración do que xorde cando confiamos na nosa intuición e nas experiencias que o mundo nos ofrece.

The Grace

Moira Fett e Natalie Berger

País: Estados Unidos
Ano: 2024
Duración: 13 min.
V.O.: inglés (subtítulos en galego)
Estrea en España

Nas augas turbulentas e místicas do sueste de Alasca, unha pescadora capitanea soa a súa embarcación en mar aberto. Empregando un método de pesca con anzol, Kat Murphy está comprometida cunha pesca comercial sostible. De volta en terra, no seu pequeno porto en Washington, Kat loita por chegar a fin de mes e enfróntase aos desafíos de manter un modo de vida profundamente enraizado no mundo natural.

Mientras tanto estoy acá

Gastón Calivari

País: Arxentina
Ano: 2024
Duración: 14 min.
V.O.: español (subtítulos en galego)
Estrea en Galicia

Norma é unha pescadora que vive nas illas de Entre Ríos, en Arxentina. Aos seus 55 anos, aínda non ten moi claro cal é a súa vocación, aínda que o seu verdadeiro desexo é ser actriz. Mentres tanto, dedícase á pesca.

Six Knots

Ali Vanderkruyk

País: Canadá
Ano: 2024
Duración: 29 min.
V.O.: inglés (subtítulos en galego)
Estrea en España

Para reducir o ruído ambiental ao achegarse a un cetáceo, unha embarcación non debe superar os seis nós. Representando a distancia entre o ser humano e os animais, a balea sempre foi un símbolo de misterio, fascinación e explotación.

COMPETICIÓN III

VENRES, 12 DEC | 17:00

Headland

Mariana Duarte

País: Reino Unido (Escocia)
Ano: 2024
Duración: 13 min.
V.O.: inglés (subtítulos en galego)
Estrea en España

Unha reserva natural no Canal da Mancha é un lugar de asombro e consolo, moldeado e asolagado pola violencia. Headland ofrece unha mirada íntima á vida nunha praia de cantos recuperada do océano, entrelazando a tradición dos rescates marítimos cos recentes cruzamentos do Canal, tal como os presencian os últimos pescadores de Dungeness.

Beneath Which Rivers Flow

Ali Yahya

País: Irak
Ano: 2025
Duración: 16 min.
V.O.: sen diálogos
Estrea en España

Nas marismas do sur de Iraq, Ibrahim e a súa familia viven illados do resto do mundo, profundamente unidos ao río, aos xuncos e aos animais que coidan. O silencioso e reservado Ibrahim só atopa consolo no seu búfalo, o seu único compañeiro. Unha mañá, unha néboa densa cobre as marismas, e Ibrahim percibe un cambio ameazante na terra. Os ríos comezan a secarse e a terra féndese. A medida que o mundo de Ibrahim se derruba, terá que enfrontarse a forzas que están máis alá do seu control e que ameazan non só o seu modo de vida, senón tamén á única criatura que realmente entende.

The Granny & Fishes

Maria Mavati e Ehsan Farokhi Fard

País: Irán
Ano: 2024
Duración: 28 min.
V.O.: farsi (subtítulos en galego)
Estrea en España

A que noutro tempo foi unha rexión próspera arredor da lagoa Hamun, en Irán, converteuse nun ermo desolado. A súa única habitante, unha muller maior, sobrevive recollendo peixes mortos do leito seco da lagoa, mentres as tormentas de po varren as arredor de 300 aldeas evacuadas na zona.

COMPETICIÓN IV

VENRES, 12 DEC | 21:00

The Herring Queen

Eilidh Munro

País: Reino Unido (Escocia)
Ano: 2025
Duración: 12 min.
V.O.: inglés (subtítulos en galego)
Estrea en España

Tradicionalmente, en Eyemouth, un pequeno pobo pesqueiro de Escocia, os rapaces convertíanse en pescadores e unha moza era coroada como raíña. Hoxe xa non quedan peixes que pescar, pero ano tras ano, unha nova “Raíña do Arenque” de 14 anos recibe a súa coroa. A través desta particular festividade local, percíbense os efectos da crise climática global e como afectan á subsistencia, á comunidade e á saúde mental.

Coral City

Camille Ghekiere e Charlotte de Cort

País: Bélxica / Sri Lanka
Ano: 2024
Duración: 19 min.
V.O.: sinhala, inglés (subtítulos en galego)
Estrea en España

Kushlani Dissanayake, unha científica de Sri Lanka, emprende unha expedición polas augas que rodean a illa para reunir información crucial que permita protexer os arrecifes de coral da súa desaparición. Recollendo mostras de corais, intenta descubrir os patróns de distribución das poboacións de coral e das súas larvas, desenvolvendo ao mesmo tempo a súa visión sobre a maternidade, a humanidade e unha teoría sobre “a supervivencia dos máis amables”.

Aiguallum Lamparo

David Tena

País: España (Cataluña)
Ano: 2024
Duración: 25 min.
V.O.: español, árabe, catalán (subtítulos en galego)
Estrea en España

No Mediterráneo, cada noite, un grupo de mariñeiros ilumina as profundidades do mar. Coa súa luz cegadora, tentan atraer uns peixes cada vez máis escasos nestas augas. O ‘Vento do Norte’ é unha das últimas embarcacións do nordeste de España que segue practicando esta tradición ancestral. Un rito herdado que hoxe continúa vivo grazas aos migrantes magrebís que lle dan continuidade.

COMPETICIÓN V

SÁBADO, 13 DEC | 13:00

Pêche

Luzie Kurth

País: Bélxica
Ano: 2024
Duración: 7 min.
V.O.: sin diálogos
Estrea en España

Pêche segue aos últimos pescadores de cangrexos con cabalo na costa belga, retratando a fráxil coreografía entre o home, o animal e a marea. Inspirándose na Divina Comedia de Dante, o filme explora unha práctica na que a sabedoría ancestral persiste na actualidade. Nunha época de subida do nivel do mar e de tradicións que desaparecen, este retrato poético revela unha práctica en perigo de extinción e unha forma de sabedoría submerxida.

Lost Songs of Sundari

Sudarshan Sawant

País: India
Ano: 2025
Duración: 8 min.
V.O.: marathi, hindi (subtítulos en galego)
Estrea en España

A cidade de Bombai, que antes era unha rede de aldeas unidas polo mar, está a ser transformada por pontes e recheos de terra, ameazando o modo de vida tradicional do pobo koli, que vivía en fonda conexión co mar. Lost Songs of Sundari revisita o mito koli de Sundari, unha barca lendaria e a súa barqueira, a través das voces dunha narradora, dun vello operador de transbordador e dunha nena que é testemuña da rápida transformación da cidade.

Deriva

Yurian Quintanas e Salvi Danés

País: España (Cataluña)
Ano: 2025
Duración: 18 min.
V.O.: catalán (subtítulos en galego)
Estrea en Galicia

Deriva rastrexa a pegada invisible que o mar deixou na memoria dun pobo e dos seus habitantes. Oscilando entre a realidade e o soño, entre a palabra e o silencio, constrúe unha fábula contemporánea sobre a transformación dun territorio e a perda dun legado. Nun diálogo constante coa natureza, a cámara adéntrase no universo mariño de l’Escala como quen deriva sen rumbo fixo, deixándose levar pola intuición e pola pegada dun oficio desaparecido.

Just Sea

Franziska von Stenglin

País: Malta / Alemaña
Ano: 2024
Duración: 25 min.
V.O.: inglés (subtítulos en galego)
Estrea en Galicia

Co impresionante pano de fondo dos impoñentes cantís da illa mediterránea de Gozo, Salvo, un pescador experimentado, practica un método de pesca ancestral transmitido de xeración en xeración. Con certa tristura, baixa unha trampa de pesca tradicional ás profundidades do Mediterráneo, compartindo as súas reflexións sobre os drásticos cambios que presenciou.

XURADO OFICIAL

ADRIÁN CANOURA

Cineasta e videoartista. O seu traballo combina cinema, videocreación e música. As súas películas e proxectos foron exhibidos e premiados en importantes festivais de todo o mundo. Entre os seus títulos destacan Da morte nace a vida, Rexistros, Caerán lóstregos do ceo, Salitre nas veas ou Nistra Batuko Exploration. A súa primeira longametraxe documental, Fomos Ficando Sós, na que explora a memoria e a identidade, acaba de estrearse no IDFA de Ámsterdam.

LAURA DOVAL

Produtora, distribuidora e socia cofundadora de Gaitafilmes. Na súa faceta de produción destacan títulos como Dhogs e Welcome to ma maison, de Andrés Goteira; Sandwich Cat, de David Fidalgo, ou Aurora, de Area Erina. Na actualidade, traballa na produción da longametraxe Monstro, de Andrés Goteira, e na curtametraxe de animación Cumi, de David Fidalgo. Á marxe de Gaitafilmes, traballa como distribuidora de curtametraxes e documentais para Yaq Distribución.

MANOLO GONZÁLEZ

Investigador, escritor e docente. Participou activamente na investigación e catalogación da memoria audiovisual galega con distintas publicacións e traballos de campo. Foi creador e director da Axencia Audiovisual Galega da Consellería de Cultura da Xunta de Galicia. Na actualidade, coordina o encontro de cineastas Chanfainalab de San Sadurniño. Foi galardoado con numerosos premios, como o recente Premio da Crítica de Galicia 2025 na categoría de cinema e artes audiovisuais.